ប្រជ្រុយនៅលើរាង្គកាយ បញ្ជាក់ប្រាប់ពីជោកវាសនារបស់អ្នក
១. នៅលើពោះ
អ្នកប្រហែលជាមនុស្ស ដែលលោភលន់ ហើយអាត្មានិយមច្រើន។
២. ក្រោមដោះឆ្វេង
អ្នកនឹងមានអ្វីគ្រប់យ៉ាង នៅក្នុងដៃរបស់អ្នក ហើយអ្នកក៏ជាមនុស្សមានចិត្តល្អផងដែរ។
៣. ក្រោមដោះស្តាំ
វាអាចបញ្ជាក់ថា អ្នកជាមនុស្សមានសំណាងណាស់។
៤. កណ្តាលដើមទ្រូង
វាក៏ជាសញ្ញានៃភាពសប្បាយរីករាយ និងសំបូរទ្រព្យធន នៅពេលអនាគតដែរ។
៥. ប្រជ្រុយនៅលើបបូរមាត់
បុរសណាដែលមានប្រជ្រុយនៅលើបបូរមាត់ជាអ្នកមានភ័ព្វសំណាងល្អណាស់ ទៅលើមុខរបររក ស៊ីជួញដូរ និងទៅលើការហូបចុក ។ ជនប្រភេទនេះទោះបីជាជួបភាពទុរ្ភិក្សអត់ឃ្លានយ៉ាងណាក្តី ក៏គេអាចមានស៊ីមានពាក់គ្រប់គ្រាន់។ ទោះបីជាមានការស្មុគស្មាញនៅក្នុងមុខរបររកស៊ីក្តីក៏មិនសូវព្រួយ បារម្ភអត់ការងារធ្វើដែរ ។ ប៉ុន្តែចំពោះនារីដែលមានប្រជ្រុយបែបនេះនាងតែងតែចាញ់ឧបាយកលរបស់ ប្រុសព្រានបោកប្រាស់យកខ្លួនប្រាណទៀតផង ។
៦. ប្រជ្រុយនៅត្រង់ចង្កា
បុរស-ស្ត្រីណាដែលមានប្រជ្រុយនៅត្រង់ចង្កា លុះដល់វ័យចាស់ជរាទៅនឹងជួបនូវភ័ព្វវាសនាល្អ ។ ប៉ុន្តែបញ្ហាមួយគួរយកចិត្តទុកដាក់នោះ គឺប្រសិនបើចង្កាមានសម្លាកស្នាមអ្វីមួយឆូតកាត់លុះដល់វ័យចាស់ ជរាទៅរាសីនឹងស្រុតចុះវិញជាពុំខាន ។
៧. ប្រជ្រុយនៅចំពាក់កណ្តាលរោមចិញ្ចើម
បុរស-ស្ត្រីណាដែលមានប្រជ្រុយនៅចំពាក់កណ្តាលនៃរោមចិញ្ចើមជា អ្នកមានថ្វីដៃនិងសមត្ថភាព ខ្ពង់ខ្ពស់ ហើយមានមិត្តភក្តិច្រើនទៀតផង ។ ប្រសិនបើជួបឧបសគ្គអ្វីមួយជនប្រភេទនេះនឹងត្រូវបានមិត្ត ភក្តិជួយដោះស្រាយឱ្យរួចពីទុក្ខទោស ។ ម្យ៉ាងទៀតទោះបីជាមានសមត្ថភាពកម្រិតខ្ពស់យ៉ាងណាក្តី ក៏ពួកគេទាំងនោះមានការជួយឧបត្ថម្ភពីចៅហ្វាយនាយដោយចាំបាច់បំផុត ។
៨. ប្រជ្រុយនៅក្នុងរោមចិញ្ចើម
បុរស-ស្ត្រីណាដែលមានប្រជ្រុយនៅក្នុងរោមចិញ្ចើម ជាអ្នកសម្បូរទៅដោយចំណេះវិជ្ជា និងមាន សមត្ថភាពកម្រិតខ្ពស់នៅក្នុងផ្នែកសិល្បៈ ម្ល៉ោះហើយនៅក្នុងមុខរបរនេះពួកអ្នកអាចពង្រីកបានដោយគ្មានបញ្ហា អ្វីចោទឡើងឡើយ ។
៩. ប្រជ្រុយនៅខាងចុងរោមចិញ្ចើម
បុរស-ស្ត្រីណាដែលមានប្រជ្រុយនៅត្រង់ខាងចុងរោមចិញ្ចើម ជាមនុស្សមានទ្រព្យសំណាងសម្បូរ ហូរហៀរ ហើយកាលពីនៅយុវវ័យអាចចំណេញបានប្រាក់កាសច្រើន ហើយជនប្រភេទនេះគឺពុំខ្វះខាតប្រាក់ កាសទេ ហើយក៏ពុំជួបការលំបាកវេទនាអ្វីផងដែរ ។
១០. ប្រជ្រុយនៅត្រង់ចន្លោះរោមចិញ្ចើមនិងរង្វង់ភ្នែក
បុរស-ស្ត្រី ណាដែលមានប្រជ្រុយនៅត្រង់ចន្លោះនៃរោមចិញ្ចើមនិងរង្វង់ភ្នែកជា មនុស្សមាន សំណាងបំផុត ព្រោះមានចៅហ្វាយនាយជួយឧបត្ថម្ភម្ល៉ោះ ហើយគង់មានថ្ងៃណាមួយអាចចម្រុងចម្រើន ជាពុំខាន ។ ប្រសិនបើសាមីខ្លួនបានប្រកបមុខរបររកស៊ីតូចតាចក្តីក៏អាចមានសន្ទុះ ជឿនលឿនទៅមុខ យ៉ាងឆាប់រហ័សដែរ ។
១១. ប្រជ្រុយនៅត្រង់ចុងកន្ទុយភ្នែក
បុរស-ស្ត្រីណាដែលមានប្រជ្រុយនៅត្រង់ម្តុំចុងកន្ទុយភ្នែក ក៏ជាតំណាងនូវភ័ព្វវាសនាល្អដូចជា ប្រជ្រុយនៅត្រង់ចន្លោះ រោមចិញ្ចើម និងរង្វង់ភ្នែកដែរ គឺមនុស្សប្រភេទនេះត្រូវបានអ្នកផងជួយជ្រោមជ្រែង លុះត្រាតែបានសម្រេចនូវកិច្ចការអ្វីមួយ ។
១២. ប្រជ្រុយនៅពីក្រោមត្របកភ្នែក
បុរស-ស្ត្រីណាដែលមានប្រជ្រុយនៅក្រោមត្របកភ្នែកជាតំណាងនូវ ស្នេហ៍ច្រើន ព្រោះពួកគេ តែងតែភ្លើតភ្លើនក្នុងផ្លូវស្នេហា ហើយជារឿយៗក៏រងនូវទឹកភ្នែកជូតក្បាលជង្គង់ក៏ដោយសារតែរឿងស្នេហ៍ អភ័ព្វនេះដែរ ។ ចំពោះនារីភេទវិញ លុះទទួលការរំភើបចិត្តរួចហើយ ទើបអាចដោះស្រាយបានតាមក្រោយ។ ម្ល៉ោះហើយបុរស-ស្ត្រីណាដែលមានប្រជ្រុយបែបនេះ ហើយមុននឹងទាក់ទងពីរឿងស្នេហា គួរតែលូក-ល សន្សឹមៗបានហើយដាច់ខាតកុំឱ្យធ្លាក់ចូលក្នុងរណ្តៅស្នេហ៍ឱ្យសោះ ។
១៣. ប្រជ្រុយនៅចំពីក្រោមប្រស្រីភ្នែក
បុរស-ស្ត្រីណាដែលមានប្រជ្រុយនៅចំពីក្រោមប្រស្រីភ្នែកអាច ចាត់ទុកបានជាភ័ព្វសំណាងល្អ ណាស់ ព្រោះអាចនាំមកនូវជោគវាសនាល្អជាទីបំផុត សម្រាប់កូនចៅ ។ ទោះបីជាសាមីខ្លួនពុំមានប្រជ្រុយ បែបនេះក្តី ហើយបានទៅរៀបការជាមួយនឹងអ្នកមានប្រជ្រុយបែបនេះនោះ ក៏អាចផ្តល់នូវភ័ព្វសំណាង់ដ៏ ល្អសម្រាប់កូនចៅដែរ ។
១៤. ប្រជ្រុយនៅចំហៀងក្តោងច្រមុះ
បុរស-ស្ត្រីណាដែលមានប្រជ្រុយនៅត្រង់ចំហៀងក្តោងច្រមុះ គឺជាមនុស្សមានទ្រព្យសំណាងពេញ ហូរហៀរ ហើយប្រសិនបើក្រុមហ៊ុនណាមួយបានទទួលមនុស្សប្រភេទនេះចូលធ្វើការគឺ ក្រុមហ៊ុននោះនឹងជួបតែ ការរីកចម្រើនឥតងាកក្រោយឡើយ ។
១៥. ប្រជ្រុយនៅចំពីលើស្នាមខ្សែមុខ
បុរស-ស្ត្រីណាដែលមានប្រជ្រុយនៅចំពីលើស្នាមខ្សែមុខលុះចូល ដល់មជ្ឈិមវ័យទើបមានការរីក លូតលាស់ និងចម្រុងចម្រើន ។ ម្យ៉ាងទៀតកាលពីនៅកំលោះ-ក្រមុំធ្លាប់ជួបឧបសគ្គច្រើន ប៉ុន្តែប្រសិនបើខំ ពុះពារទីបំផុតអាចទទួលបានផ្លែផ្កាល្អជាពុំខានឡើយ ។
១៦. ប្រជ្រុយនៅផ្នែកខាងលើបបូរមាត់
បុរស-ស្ត្រីណាដែលមានប្រជ្រុយនៅចន្លោះច្រមុះ និងបបូរមាត់ជាអ្នកមានទ្រព្យស្តុកស្តម្ភ ហើយ មានជីវភាពប្រសើររុងរឿងទៀតផង ។ រីឯស្ត្រីភេទអាចក្លាយជាចៅហ្វាយនាយទៀតផង ។
១៧. ប្រជ្រុយនៅជ្រុងចង្កា
បុរស-ស្ត្រីណាដែលមានប្រជ្រុយនៅតាមជ្រុងចង្កា គឺជាមនុស្សមានទីលំនៅរស់នៅដោយសុខសាន្ត ហើយក្នុងពេលនេះដែរ អាចក្លាយទៅជាអ្នកមានស្តុកស្តម្ភមានទ្រព្យសម្បត្តិហូរហៀរ ។
១៨. ប្រជ្រុយនៅលើថ្ពាល់
បុរស-ស្ត្រីណាដែលមានប្រជ្រុយនៅលើថ្ពាល់ជាអ្នកមានចរិតរឹងប៉ឹង ហើយត្រូវបានចាស់ទុំគោរព និងសរសើរ ម្ល៉ោះហើយអាចរួមរស់ដោយសុខសាន្តគ្រប់ពេលវេលា ។
១៩. ប្រជ្រុយនៅលើកញ្ចឹង-ក
អ្នកដែលមានប្រជ្រុយនៅលើកញ្ចឹង-ក គឺជាអ្នកមានជីវភាពធូរធារ ដោយពុំព្រួយបារម្ភចំពោះការ ខ្វះខាតឡើយ ។
២០. ប្រជ្រុយនៅត្រង់គល់ត្រចៀក
អ្នកដែលមានប្រជ្រុយនៅត្រង់គល់ត្រចៀក ជាមនុស្សឆ្លាតវាងវៃ ទោះបីជាអ្នកនោះរាងទុយមុយក្តី ក៏អាចជាអ្នកមានប្រាជ្ញាភ្លឺថ្លាដែរ ។
២១. ប្រជ្រុយត្រង់ថ្ងាសខាងស្ដាំ
+សម្រាប់បុរស: ជាមនុស្សមានចិត្តក្លាហាន បើធ្វើអ្វីៗ ចង់ឱ្យតែបានល្បីឈ្មោះ សេចក្ដីប៉ងអ្វីក៏បានសម្រេចដូចចិត្តប្រាថ្នាមែន។ ឯប្រជ្រុយថ្ងាសខាងឆ្វេង ជាមនុស្សអ្នកមានទ្រព្យសម្បត្តិច្រើន បើនឹងនិយាយស្ដីមានគេជឿច្រើន។
២២. ប្រជ្រុយត្រង់ ក្រោមរោមចិញ្ចើម
+សម្រាប់បុរស: ទឹកមុខល្អជាមហាស្នេហ៍ នឹងហារមាត់ទៅពឹងពាក់អ្នកឯណា គេក៏ជួយបានដោយងាយ ហើយរកលាភ ក៏បានងាយ ហើយបានដោយគន្លងធម៌ផង។
២៣. ប្រជ្រុយនៅត្រង់ទងត្រចៀកខាងក្រោយ ស្ដាំក៏ដោយ ឆ្វេងក៏ដោយ
+សម្រាប់បុរស: ជាមនុស្សឆ្លៀវឆ្លាស មានសតិបញ្ញាច្រើន ហើយជាអ្នកមាន កតញ្ញូល្អ។
២៤. ប្រជ្រុយនៅត្រង់ត្រចៀកខាងស្ដាំ ឬ ឆ្វេង
+សម្រាប់បុរស: ច្រើនមានមនុស្សឆ្ងាយនាំលាភ មកឱ្យ ហើយនឹងមានអ្នកធំ ច្រើនឱ្យទ្រព្យសម្បត្តិ ជួយឧបការដល់ខ្លួនផង ហើយអាយុវែង។
២៥. ប្រជ្រុយត្រង់ក ខាងស្ដាំ
+សម្រាប់បុរស: ជាអ្នកមានមហាជោគជ័យ ដោយអ្នកមានយសសក្ដិ ជួយឧបត្ថម្ភឱ្យបានល្អ ពុំនោះសោតនឹងមានអ្នកធំចែក ទ្រព្យឱ្យ។
២៦. ប្រជ្រុយត្រង់កខាងឆ្វេង
+សម្រាប់បុរស: ជាមនុស្សមានចិត្តទូលាយ បើរកសម្បត្តិទ្រព្យអ្វី ក៏កើតឡើងដោយខ្លួនឯង ឥតមានពឹងអ្នកណាឡើយ។
២៧. ប្រជ្រុយត្រង់កណ្ដាលថ្ងាស
+សម្រាប់បុរស: ឱ្យចូលទៅរកអ្នកធំសប្បុរស នឹងពឹងអ្វីៗ អ្នកធំនោះនឹងឱ្យបុណ្យសក្ដិ នឹងឱ្យលោកជាទីគាប់ចិត្ត។
២៨. ប្រជ្រុយត្រង់ត្រចៀកខាងស្ដាំ
+សម្រាប់ស្រ្តី: ជាមនុស្សរណេបរណប ចេះគួរសម ទៅណាមកណា មានជនជាតិ ទាំងពួករាប់អានច្រើន ហើយជាអ្នកមានកតញ្ញូផង។
២៩. ប្រជ្រុយនៅត្រង់ត្រចៀកខាងឆ្វេង
+សម្រាប់ស្រ្តី: ជាអ្នកមានបញ្ញា ស្រួច ប្រសើរ បើមានប្ដី ប្ដីនោះនឹងបានជាធំ។
៣០. ប្រជ្រុយនៅត្រង់ដើមក ខាងស្ដាំ
+សម្រាប់ស្រ្តី: ជាមនុស្សមានស្នេហ៍ក្នុងខ្លួនទៅកាន់ ទីណាមានគេរាប់អាន ហើយគេថាស្ត្រីនោះកិរិយាល្អ ជាមនុស្សមានវាសនាច្រើន បើនឹងមានប្ដីៗនោះឯងនឹងបានទៅជាអ្នកធំ។
៣១. ប្រជ្រុយក្រោមដោះ
+សម្រាប់ស្រ្តី: ជាមហាស្នេហ៍ល្អណាស់ ច្រើនមនុស្សជិតឆ្ងាយនាំលាភមកឱ្យជានិច្ច ហើយមានបរិវារច្រើន។
៣២. ប្រជ្រុយឋិតនៅទីកំបាំង
+សម្រាប់ស្រ្តី: នឹងល្បីឈ្មោះមានយសសក្ដិ ហើយនឹងមានទ្រព្យច្រើន បើមានស្វាមី ស្វាមីនោះ នឹងបានជាអ្នកធំ បើមានកូនៗនោះ នឹងមានបុណ្យយសសក្ដិដ៏ខ្ពង់ខ្ពស់។
៣៣. ប្រជ្រុយនៅកណ្ដាល បាតដៃ
+សម្រាប់ស្រ្តី: ទំនាយថាល្អណាស់ ជាមនុស្សមានវាសនា។
៣៤. ប្រជ្រុយនៅកណ្ដាលខ្នង
+សម្រាប់ស្រ្តី: ទំនាយថា ជាមនុស្សមានសំណាងខ្ពស់។
0 comments:
Post a Comment